Се чини иако не одиграа најдобар натпревар, денеска фудбалерите на Академија Пандев убедливо го победија Вардар со 3:0 и веројатно го пратија кон Втората лига. Свој коментар за мечот за СПОРТМЕДИА има стратегот на “пандевци“ Александар Васоски, кој до пред некој месец беше на клупата токму на Вардар.
“Ова за нас е многу важна победа. Може само да замислиме што ќе беше ако не ги освовме трите бода. Не одигравме којзнае како квалитетно, но на вакви мечеви кога едноставно се мора секогаш е тешко да играш добро. Битно е што ги освоивме потребните три бода, сега полесно се дише. За Вардар што да кажам, секако дека и покрај денешниот пораз искрено на мојот бивш клуб му посакувам да остане во Првата лига“ изјави Васоски.
sportmedia.mk
