ФОТО: Denis Dukovski / РК Вардар1961
Вардар 1961 продолжува со убедливите партии на домашна сцена. По елиминацијата во Лигата на шампионите, „црвено-црните“ целосно се вртат кон двете титули во мак-првенство, како и СЕХА-лига.
Избраниците на Стевче Алушевски на нанижија петата победа во низа, максимално ја оправдаа фаворитската улога против Струга, славеа со убедливи 36-22 (20-10). Во составот ги немаше Иван Чупиќ, Ловро Јотиќ, Робин Кантегрел и Васко Шеваљевиќ. Шанса добија помладите ракометари, но тоа не беше пречка за нова победа.
По првото полувреме, Вардар 1961 поведе со плус 10 (20-10), а отвори со серија од 14-2. Гостите имаа проблем за да дојдат до голот на противникот. До крајот беше чиста формалност.
Димитриоски, Векиќ и Атанасовски со по седум гола беа први стрелци, кај гостите Симоноски запиша шест гола.
sportmedia.mk
