Ужас во Копенхаген. На натпреварот помеѓу Данска и Финска на крајот на првото полувреме, данската ѕвезда Кристијан Ериксен падна како покосен.
Ериксен се онесвести, а медицинската служба веднаш притрча кон него. Лекарите брзо се спуштија на теренот со дефибрилаторот и започнаа да се борат за неговиот живот, а неговите соиграчи се во очај.
Навивачите се во солзи, а преносот на натпреварот е прекинат, како и самиот натпревар засега.
Во моментов можеме само да се надеваме на среќен крај ...
Фудбалерите на Финска заминаа во соблекувалната и натпреварот беше прекинат, а неговото продолжение е под знак прашалник. Ова го потврди УЕФА, а девојката на Ериксен се симна на теренот.