Не стивнуваат реакциите за идејата 12 клуба да ја формираат европската Суперлига, дури и по одлуката повеќето да се откажат, но не и Реал Мадрид и Јувентус.

Европската куќа на фудбалот подготвува казни за мадридскиот и торинскиот клуб.

Според шпанските медиуми, една од идеите е веднаш да се елиминира Реал без борба во полуфиналето од Лигата на шампионите, но ќе биде тешко да се добие поддршка, бидејќи тоа би ја нарушило регуларноста на натпреварувањето.

Друга, а воедно и поверојатна опција е Јувентус и Реал да бидат исфрлени од Европа на една година. Некои членови на Извршниот одбор на УЕФА инсистираат на тоа, објави познатиот италијански новинар Танкреди Палмиери