Баерн доби два удари пред финалето на Светското клупско првенство. Вчера Џером Боатенг мораше да отпатува во Германија од лични причини, а денеска напаѓачот Томас Милер бил позитивен на коронавирус и со сигурност ќе го пропушти финалето на Светското клупско првенство. Неговото отсуство се очекува да го пополни Серж Гнабри за двобојот со мексиканскиот Тигрес.

Според „Кикер“ Милер нема симптоми и се чувствува добро, меѓутоа поради позитивниот тест е изолиран од групата и е оставен во хотелот. Тој ќе патува одделно назад во Германија, а ќе ги пропушти и следните два меча од Бундес лигата веројатно и средбата со Лацио во ЛШ.

Милер бил тестиран вчера по тренингот на екипата. Освен Боатенг и Милер, Баерн ги нема на располагање ни Леон Горецка и Хави Мартинез кои поради коронавирус не отпатуваа во Катар за Светското клупско првенство.

sportmedia.mk