Младата селекција на Македонија до 19. години, предмалку во вториот пријателски меч одигран на ФФМ, одигра 1:1 против соодветната репрезентација на Црна Гора. Ако завчера на првата контрола победивме со 2:0, денеска ремизиравме.
Штета, до 80. минута имавме водство од 1:0, но тогаш гостите преку Ѓукановиќ израмнија на 1:1. Неколку минути подоцна се чини имаше и пенал за нас, а ја погодивме и стативата на Црна Гора.
Македонија поведе со голот на Фета во 36.минута.
И од двата меча селекторот Влатко Гроздановски може да биде задоволен, се гледа дека оваа селекција си има свој потенцијал.
МАКЕДОНИЈА – ЦРНА ГОРА 1:1 (1:0)
Стадион на ФФМ во Скопје. Судија: Александар Василевски (МАК). Стрелци: Фета 36. (МАК),Ѓукановиќ 80. (Ц.ГОР).
МАКЕДОНИЈА: Јовчев, Давков, Реџепи, Стојчевски, Крстевски, Фета, Талевски, Ракипи, Кудев, Талаков, Јахии. Резерви: Тасев, Јовановски, Јосифовски, Богдановски, Христовски, Коцев, Ранадани, Мирков, Али. Селектор: Влатко Гроздановски.
ЦРНА ГОРА: Злајиќ, Брозовиќ, Дасиќ, Ѓукановиќ, Четковиќ, Ернец, Дакиќ, Магделиниќ, Балиќ, Б. Вукотиќ, Делибашиќ. Резерви: И. Радовиќ, М. Радовиќ, Н. Вукотиќ, Четковиќ, Вуковиќ, Мугоша, Тимушиќ, Перишиќ, Михајлевиќ, Јонковиќ.
sportmedia.mk
