Оваа случка ни доаѓа од соседна Бугарија. Људмил Киров не е повеќе тренер на Нефтохимик од Бургас затоа што добил отказ по денешниот пораз од Созопол со 2:3. Тој ја дознал одлуката по телефонски повик од техничкиот директор на клубот Манол Иванов, пренесува „Гонг“. Неколку часови подоцна Киров бил убедуван од претседателката Анелија Златкова да остане, но тој не сакал да чуе за враќање после тоа што му се случи.
„Не да не сум задоволен, разочаран сум. Очигледно колегите пред мене беа во право, дека Нефтохимик е една несредена куќа. И се поради еден родител, кој е незадоволен од тоа што син му не игра. Ако детето навистина заслужува да е во тимот нема да сум луд да го држам на клупа“, објасни Киров за локалниот „Гонг“.
sportmedia.mk
