Не стивнуваат коментарите, пораките, честитките, радоста и секако задоволството по се она што му се случи на нашата фудбалска икона на мечот меѓу неговата Џенова и Беневенто. Меч кој заврши со резултат 2:2, стрелец на двата гола беше Македонецот со што стигна до 100 голови во Серија А.
По мечот свој коментар, покрај другото имаше и Давиде Балардини, шефот струката на Џенова кој не штедеше комплименти и со бирани зборови и се обрати на јавноста за Горан Пандев.
“Тој е шампион, се додека е физички добар се гледа на теренот што може. Не треба да се трошат зборови за Горан. Имам голема среќа што го имам во тимот“ кусо потенцираше Балардини.
Инаку пред извесно време стратегот на Џенова малку на шега посочи дека тој му забранува на Пандев да се пензионира ова лето и дека го посакува барем уште една сезона во дресот на најстариот клуб во Италија.
sportmedia.mk
