Кошаркарот Теренс Кларк, кој што беше избран за драфтот во 2021 година, загина по здобиените фатални повреди од сообраќајна несреќа во Лос Анџелес. Тој имаше само 19 години.
Несреќата се случила во четвртокот попладне откако автомобилот на Кларк се судрил со друг кој што му влегол во лентата. Тој бил пренесен во болница, но подлегнал на повредите.
„Јас сум апсолутно скршен вечерва“, истакна Џон Калипари, тренерот на Кентаки каде што настапуваше Кларк.
„Млада личност пред кого беше животот, имаше сон кој е сопрен. Теренс беше прекрасно момче, секогаш насмеан и подготвен за шега. За останатите беше пример, работеше напорно да го исполни сонот. Шокирани сме“, рече тој.
Тој беше еден од најдобрите играчи во колеџот, и му предвидуваа светла иднина во НБА.
sportmedia.mk