Тотенхем не може така лесно да се ослободи од Жозе Мурињо. И да сака да направи тренерска смена тоа нема да оди така лесно. Причините се финансиите. Во Англија се шпекулира дека доколку сопственикот Даниел Леви сака да му даде отказ на Португалецот ќе мора да му исплати комплетна компензација, а сумата може да достигне до 40 милиони евра.
Неговата огромна плата е проблем за Тотенхем. Ако го отпушти не може во целост да му исплати отштета. Португалецот има важечки договор со Тотенхем до 30 јуни 2023 година.
Тотенхем е далеку од Лигата на шампионите затоа што во Премиер лигата не му оди, а единствен спас на сезоната е трофејот во Лига купот. Тоа е шанса за „Спарс“ да стигнат до првиот трофеј по 2008 година.
sportmedia.mk