Задоволството од првата победа на Металург денеска падна во сенка на сериозната повреда на Марко Тарабокија.
Страдаше лактот и чашката на левата рака на Тарабокија, кој со амбулантно возило беше префрлен в болница. Во меѓувреме се направени првите зафати по утврдената дислокација на рамото и најверојатно, сепак, не се работи за фрактура, што е подобрата варијанта. Но, по местењето на лактот повторно ќе му биде снимена раката, со цел да се види евентуална површинска фрактура, честа при вакви повреди.
Засега нема прогноза колку долго ќе биде отсуството на Тарабокија, но прашање е дали Металург ќе може да смета на овој извонреден ракометар до крајот на сезоната.
sportmedia.mk