Ракометарите на Т. Пролет минимално со 22:21 славеа над Бутел во последниот денешен меч од 5. коло во плеј-оф делот од Суперлигата. Во драматичен и крајно возбудлив меч, домашните успеаја да останат посмирени во завршницата и да ја задржат предноста која им донесе трета победа во плеј-оф делот.

Дека ќе гледаме возбудлив меч до самиот крај покажа и првото полувреме кое заврши нерешено, 10:10. Т. Пролет одлично отвори во вториот дел, направи предност од неколку гола, по што Бутел се обидуваше да се врати во егал. Најдобар реализатор кај домашните беше Пецаковски со 6 гола, а исто толку гола кај Бутел постигна Мајиќ.

sportmedia.mk