Централниот бек Џон Стонс е во преговори со Манчестер Сити за нов договор на пет години вреден неверојатни 39 милиони фунти, пренесува „Сан“! Со тоа англискиот репрезентативец ќе заработува по 150.000 фунти неделно. Инаку Стонс е стандарден во екипата на Сити, а дојде во 2016 година од редовите на Евертон. Ова е нов чекор на Сити да го задржи костурот на екипата, а пред неколку недели и Кевин де Брујн го продолжи договорот до 2025 година со што доби покачување на неделната плата на 300.000 фунти со што стана еден од најплатените фудбалери во Премиер лигата.
Договорот на Стонс истекува во 2022 година, а Сити му нуди нов, подобрен петгодишен договор кој најверојатно англискиот репрезентативец ќе го прифати.
Сити е блиску до петтата премиерлигашка титула, а утре го игра првиот полуфинален дуел со ПСЖ во рамките на Лигата на шампионите.
sportmedia.mk