Во најинтересниот меч вечерва во европските квалификации за СП 2022, селекцијата на Србија на домашен терен успеа да извади реми со селекцијата на Португалија играјќи 2:2, иако во првото полувреме Португалците со предноста од 2:0 најавија дека ги посакуваат сите три бода во Белград.

Диого Жота беше двапатипрецизен во првиот дел за Португалија, а во вториот дел враќањето на србија го најави Митровиќ со голот по само 30-тина секунди, по што следуваше една одлична контра во 60. минута со убава завршница на Костиќ за 2:2.

Во второто дерби вечерва Чешка и Белгија поделија по еден бод играјќи нерешено 1:1 на дуелот во Прага. Чесите поведоа со голот на Провод во 50. минута, израмни Лукаку 10 минути подоцна.

Словачка се спаси од срам против Малта. Гостите сензационално водеа со 2:0 по првиот дел на гостувањето во Трнава, но многу брзо во вториот дел Словачка стигна до 2:2. До крајот домашните не успеаја да направат целосен преврт.

Изненадувањето на вечерта, сепак, се случи во Даблин. На „Авива“ Луксембург ја шокираше селекцијата на Р. Ирска совладувајќи ја со 1:0 благодарение на голот на Родригез во 85. минута.

КВАЛИФИКАЦИИ ЗА СП 2022

ГРУПА А

Р. Ирска – Луксембург 0:1

Србија – Португалија 2:2

ГРУПА Е

Белорусија – Естонија 4:2

Чешка – Белгија 1:1

ГРУПА Г

Црна Гора – Гибралтар 4:1

Холандија – Летонија 2:0

Норвешка – Турција 0:3

ГРУПА Х

Русија – Словенија 2:1

Хрватска – Кипар 1:0

Словачка – Малта 2:2

sportmedia.mk