Екипата на Леванте беше пред златни три бода во мечот со Гранада во рамките на 22. коло меѓутоа остана само со еден бод затоа што противникот изедначи во втората минута од судиското продолжение.

Моралес го доведе Леванте во водство, а Кенеди изедначи во 43 минута. Во 67 минута Моралес одново донесе водство за Леванте, меѓутоа за реми се погрижи Роберто Солдадо, кој влезе во 74. минута, а ја погоди мрежата на домашните во 92 минута за да спаси бод за Гранада.

Македонскиот интернационалец Енис Барди влезе во игра за Леванте во 80 минута.

Ова е деветто реми за Леванте сезонава, а шесто за Гранада. И двете екипи се едно до друго на табелата, Гранада е на позиција осум, а Леванте веднаш зад неа.

sportmedia.mk