Силекс во пресрет на последните две кола во ПМФЛ има 36 бодови и се наоѓа во зоната на оние екипи кои би можеле да играат бараж за опстанок. Во недела кратовци му гостуваат на Работнички, а во последното коло, на 16 мај, тие дома играат со Струга Трим Лум.
Лоша вест за сите во клубот е дека на неделното гостување во Скопје, на Арената “Тодор Проески“, Силекс нема да биде предводен од тренерот Горан Симов кој е под суспензија поради црвениот картон добиен на последниот меч со Борец на свој терен. Исто така кратовци нема да можат да сметаат на гостувањето кај Работнички, и на стоперот Ристе Каракамишев, кој на на дуелот со велешани го заработи петтиот жолт картон со што ќе мора да паузира.
sportmedia.mk