Претседателот на Организацискиот комитет на Олимписките игри во Токио Јоширо Мори денеска си поднесе оставка по сексистичките коментари минатата недела, кои предизвикаа бури на реакции од останатите земји. Мори одново се извини пред да ја соопшти својата одллука.
„Моите непримерни коментари предизвикаа големи проблеми. Жал ми е, поднесувам оставка на позицијата претседател“, изјави Мори на состанокот на организацискиот одбор на ОИ.
83 годишниот Мори, некогашниот премиер на Јапонија, на состанокот на јапонскиот олимписки комитет изјави дека жените зборуваат многу и дека внесувањето на понежниот пол во олимпискиот одбор ќе биде многу напорно, ќе мора да се ограничи времето за говор.
По оваа изјава тој се извини, а веќе денеска си поднесе оставка која доаѓа на шест месеци пред почетокот на ОИ.
ФОТО: KTLA/TWITTER
sportmedia.mk
