logo
logo
logo

Шанса за Вардар 1961, Мешков без петмина играчи во Скопје

Vecer | 22.09.2021

Шанса за Вардар 1961, Мешков без петмина играчи во Скопје

Вардар 1961 вечерва (20:45 часот) на домашен терен го пречекува Мешков Брест во рамките на 2. коло во Лигата на шампиони. Актуелниот македонски првак со реми ја отвори новата сезона, па пред своите навивачи ќе има одлична шанса да дојде до првиот триумф.

Белорускиот состав во Скопје допатува без петмина ракометари. На голот ќе го нема одличниот Иван Пешиќ, кој веќе одредено време е надвор од терените, а поради повреди ќе ги нема Артем Селвасјук (пивот), Павел Пачковски (десен бек) и Егор Будејка (десен бек) како и словенечкиот плејмејкер и лев бек Јака Малус.

Ова ќе биде одлична шанса за Вардар 1961 да ја запише првата победа иако и на оваа средба ќе го нема одличниот Анте Кудуз, но на гостувањето кај Елверум, добро се снајде и без него.

Веселин Вујовиќ и неговите момци ќе мора добро да внимаваат на екс-вардарецот Скубе и Кашпарек кои се ударната сила на Мешков Брест.

Дуелот ќе се игра пред публика, поради пандемијата коронавирус бројот на навивачи е скратен на бројка од 1.800.

 

sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk