Иако веќе со денови се коментира дека Масимилијано Алегри е на пат кон Торино со цел одново да седне на клупата на Јуве, од утринава медиумите во Италија во преден план го ставаат никој друг туку Антонио Конте. Имено стратегот на Интер, кој на “неро-аѕурите“ ќе им ја донесе првата титула по ерата на Мурињо, би можел веднаш по завршувањето на сезоната да се врати во Јувентус. Да потсетиме дека токму со Конте како тренер започна доминацијата на Јуцве во последната деценија.
“Андреа Пирло си оди, Андреа Ањели и дефинитивно останува во Јуве, да, Алегри е блиску до враќање во Јуве, но внимавајте на Конте. Не би се зачудил ако тој дојде во Јувентус следниот месец, односно се врати како тренер“ вели еден од од коментаторите во Кориере Дело Спорт.
Сепак ова е малку веројатно ако се знае дека пред две – три недели, во Торино каков конфликт имаа Конте и Ањели, на мечот Јуве – Интер кога си се “почестија“ со погрдни зборови.
sportmedia.mk