Ренова попладнево под Шара одигра квалитетно, успеа не само да го надигра Вардар туку и убедливо да го победи со 3:0. Ова е прва победа на “гипсарите“ пролетва, тогаш кога беше најпотребно.
Свој коментар за СПОРТМЕДИА има Ремзифаик Селмани, стрелец на два гола за Ренова, третиот го даде Шефити.
“Уф, важна, многу важна победа за нас и тоа токму кога беше најпотребно. Искрено можевме и поубедливо да го победиме Вардар, но сепак најважни за нас се трите бода. Оваа победа ќе ни влее самодоверба со цел што побргу да излеземе од долниот дел на табелата, а добро ќе ни дојде и пред неделното градско дерби со Шкендија. Јас сум оптимист, ако одиграме како денеска против Вардар, во недела можеме да славиме и над Шкендија“ посочи Селмани, офанзивецот на Ренова.
sportmedia.mk