Македонскиот репрезентативец, Ненад Димитријевиќ денеска не се најде во составот на Хувентуд во дуел од 28. коло во Ендеса Лига. Причината за отсуството на еден од најдобрите наши кошаркари во дресот на тимот од Бадалона е стомачен вирус.

Димитријевиќ нема никаков проблем со коленото, нема простор за паника. Тој веќе следниот меч ќе може да му помогне на Хувентуд, кој без Нено дефинитивно игра тешко. За ова потврда дојде на денешниот дуел против Реал Бетис, кој го загуби со убедливи 78-88.

Хувентуд се наоѓа на седмото место на табелата во Ендеса лига со скор од 15 победи и 11 порази.

sportmedia.mk