logo
logo
logo

Саутгејт за составот на Англија: Го одбрав најдоброто, немаме туристи во екипата

Vecer | 02.06.2021

Саутгејт за составот на Англија: Го одбрав најдоброто, немаме туристи во екипата

ФОТО: Тwitter/England

Селекторот на Англија, Герет Саутгејт го прокоментира изборот на составот за ЕП 2020. Тој ја објави групата од 26 фудбалери кои ќе го претставуваат „Гордиот албион“ на континенталниот шампионат. Од првичниот список од 33 играчи отпаднаа седум фудбалери меѓу кои и Џеси Лингард. Но затоа има четири десни бекови.

Тие се најдобрите 26 фудбалери и затоа се во тимот. Ако требаше, ќе повикав и шест десни бекови. Не чекаат потенцијални девет натпревари. Веќе имаме проблеми со повредени играчи, а имаме потреба од адаптивност, добри играчи и добри професионалисти. Добро е што имаме и млади фудбалери кои играат на врвно ниво“, изјави Саутгејт.

„Имаме потреба од тој баланс. Основата ја сочинуваат играчи кои знаат да победуваат и учествувале на силни турнири. Младите играчи ќе внесат енергија. Не повикав туристи. Имаме состав, во кој секој е спремен да допринесе со нешто. Во моментов гледаме подалеку од групната фаза. Играме против финалистот од светското првенство Хрватска во 1. коло, имаме дерби со Шкотска, а потоа со Чешка које е една од најнезгодните репрезентации во Европа. Има осум или десет репрезентации кои можат да го освојат турнирот. Докажавме дека можеме да победиме секого, кога имаме свој ден, но треба да покажеме постојаност“, вели Саутгејт.

Англискиот селектор додаде дека не е јасно кога ќе може да смета на Хендерсон и Мегваер. Капитенот на Ливерпул нема играно од февруари и тукушто ги почна тренинзите, а дефанзивецот има повреда на ногата и не ги одигра последните неколку натпревари за Манчестер Јунајтед.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk