Ѕвездата на Јувентус Кристијано Роналдо реши да позборува после силните критики кон него по елиминацијата на „Старата дама“ од Лигата на шампионите. Порто го елиминира италијанскиот шампион, а последните денови се пишува дека Роналдо сака да се врати во Реал Мадрид затоа што е свесен дека не може да изврши никакво влијание на клетвата на Јувентус наречена Лига на шампиони.
„Поважно од бројот на падови во животот е колку бргу и цврсто ќе застанете на нозе… Вистинските шампиони никогаш не попуштаат. Нашиот фокус сега е титулата во Серија А и финалето на Купот на Италија, тоа е се што можеме се уште да постигнеме оваа сезона“, напиша Роналдо.
„Историјата не може да се избрише, таа секојдневно се пишува со еластичност, тимски дух, упорност и многу напорна работа. А оние кои ова не го разбираат, никогаш нема да постигнат слава и успех“, порача Португалецот.
sportmedia.mk
