Пауло Фонсека ќе мора да ја напушти Рома доколку не успее да се квалификува во Лигата на шампионите оваа сезона. Според италијанските весници, во Рим веќе имаат листа од три имиња кои се најсериозни кандидати да го заменат португалскиот тренер, за кој, пак, се зборува дека ќе остане во Италија и следната сезона, но како нов тренер на Наполи.

Договорот на Фонсека истекува во јуни, но истиот има клаузула која вели дека договорот автоматски ќе му се продолжи доколку Рома обезбеди место во Лигата на шампионите.

„Газета дело Спорт“ пишува дека Маурицио Сари и Масимилијано Алегри се водечките кандидати за преземање на клубот доколку Фонсека замине, а како трето име од позадина се споменува и Јулијан Нагелсман од РБ Лајпциг.

 

sportmedia.mk