Динамо Загреб за кого настапуваат македонските репрезентативеци, Стефан Ристовски и Аријан Адеми, утре и гостува на Виљареал во реванш мешот од четвртфиналето во Лига Европа. Првата средба во Загреб заврши со минимална победа на шпанскиот состав од 1-0.
Хрватскиот првак зад себе има одлична сезона, па токму затоа нема да биде изненадување доколку успее да дојде до полуфиналето. Во ова верува и Ристовски.
„Не постои поголем мотив од пласман во полуфиналето. Знаеме каков квалитет има Виљареал, а но ние сме добра и искусна екипа, тоа го покажавме во текот на целата сезона, вака ќе се поставиме утре. Треба да влеземе сериозно со гладни глави. Дај боже да поминеме“, изјави македонскиот репрезентативец за официјалниот сајт на Динамо Загреб.
ФОТО: ДИНАМО ЗАГРЕБ
sportmedia.mk
