Кошаркарите на Реал Мадрид во драматична завршница го совладаа Анадолу Ефес со 80:76 во третиот натпревар од четвртфиналето во Евролигата.
Дуелот беше комплетно израмнет се до последните секунди, кога Реал успеа да направи пресврт, да поведе и да дојде до првата победа. По двата порази во Турција, Шпанците се вратија во игра за полуфиналето откако намалија во серијата на 2:1.
Серхио Љуљ со 20 поени беше најефикасен кај „кралевите“, додека кај гостите Мичиќ постигна 29 поени.
Четвртиот натпревар е на програмата во четврток, исто така во Мадрид, а евентуалната „мајсторка“ ќе се игра во Истанбул.
sportmedia.mk