Младиот напаѓач на Сасуоло, Џакомо Распадори, кој влезе од клупата во второто полувреме на „Сан Сиро“, донесе голем пресврт и победа за Сасуоло во првиот денешен меч од новото коло во Серија А. Сасуоло со 2:1 славеше кај Милан и тоа прва победа над овој противник по пауза од скоро 5 години.
Домашните дојдоа во водство со еден прекрасен гол на Чалханоглу во 30. минута и се до завршните 15 минути на мечот успеваа да го одржат водството, но не и да искористат некоја шанса за зголемена предност.
Упорноста на гостите се исплатеше во завршните минути на мечот, кога во игра влезе младиот 21-годишен напаѓач Џакомо Распадори. Тој најпрво во 76. минута погоди за израмнување на 1:1, а само 7 минути подцна и вторпат ја смести топката во мрежата на Донарума за водство од 2:1.
sportmedia.mk