Иако има 35 години, Серхио Рамос, капитенот на Реал Мадрид и репрезентацијата на Шпанија, нема намера да се повлече од зелените фудбалски терени. Едноставно на човекот се уште му се игра. Се уште сака да освојува трофеи.
Него ова лето му истекува договорот со “кралевите“, но вели дека посакува се уште да биде дел од “најголемиот клуб во светот“.
“Ма каква пензија. Размислувам како да ја освојам, секако и посакувам, по пети пат Лигата на Шампионите. Тука се СП, ОИ, ЕП, сакам уште трофеи. Сакам да влезем во историјата на Реал Мадрид. Ќе престанам кога ќе осетам дека моето тело не може да ги следи напорите на еден врвен фудбалер, сега се осеќам добро“ вели Серхио.
Вечерва Реал Мадрид во 1/4 финалето во ЛШ се среќава со Ливерпул.
sportmedia.mk