Женската ракометна репрезентација денеска (17 часот) во СЦ „Јане Сандански“ ја пречекува Романија во реванш бараж-мечот за место на Светското првенство во Шпанија.
Сонот за прекин на долгиот мундијалски пост заврши уште во Букурешт. Избраничките на селекторот, Симе Симовски беа убедливо совладани од романските ракометарки со 33-22. Негативата од 11 гола е недостижна, особено ако се земат во предвид силите на теренот.
Во една ваква ситуација на нашите девојки им останува да се прикажат во едно поинаква светло, да го обелат образот и да докажат дека Букурешт беше само лош ден. Дел од стандардните репрезентативки потфрлија, денеска со помош на помладите, кои дефинитивно треба да добијат шанса на една ваква средба, ќе се обидат вистински да и парираат на Романија.
Симовски ќе настапи со истиот состав како на првиот меч.
sportmedia.mk
