Радовиш го запиша петтиот триумф во низа, на гостувањето кај Младост славеше со 22-27 и дојде до важни бодови во битката за опстанок. По 9. коло се најде на третото место на табелата со 15 бода исто колку и КЛ7.
По изедначената игра во првото полувреме (13-13), гостите одиграа добро на стартот на вториот дел, го превземаа водството и до крај не дозволија пресврт. Илиев со шест гола беше прв стрелец, еден помалку запиша Стојановски и Постолов.
КЛ7 не успеа да дојде до трите бода против Јуниор К.В. Во меч со 80 погодоци, беше поразен со 43-37. На овој начин ракометарите на КЛ7 испуштија шанса да се изедначат бодовно со Прилеп. Мршуља со 18 поени беше прво име кај Јуниор К.В, на другата страна Ѓорговски имаше 9 погодоци, еден помалку запиша Димовски.
sportmedia.mk
