Убава игра, убава победа на Работнички на Арената во Скопје и тоа со 3:1 против Пелистер. Момците на стратегот Александар Влахо уште еднаш потврдија дека имаат одлична екипа, впрочем тоа го покажува и на теренот. Иако слабени со неиграњето на четворица стандардни првотимци, Работнички го победи Пелистер со 3:1, иако според шансите резултатот требаше да биде барем 6:2.
Марио Станковски и Фахрудин Ѓурѓевиќ ќе ја паметат оваа средба. Првиот по тоа што го одигра својот најдобар меч во дресот на Работнички, а вториот и покрај фактот дека постигна гол, имаше дури уште три зицери. Едноставно можеше да се прослави.
Па така сега во пресрет на утрешните средби од 26.коло во ПМФЛ, денешната беше првата, Работнички ја мина на табелата Струга Трим Лум, а на Македонија ЃП и се приближи на само два бода.
Очигледно е дека Работнички не се шегува, овој тим има намера до крајот да се бори за тоа трето место и пласман во фудбалска Европа, поточно во Конференциската лига.
sportmedia.mk