Килијан Мабпе и ПСЖ и натаму не успеваат да се договорат околу новиот договор. Одличниот француски репрезентативец има договор до 2022 година, овие денови призна дека му е дојдено преку глава.
„Почнаа да ме критикуваат. Тешко ми паѓа бидејќи играте во својата земја и давате се од себе за репрезентацијата. Доаѓа момент кога ќе се уморите од сето тоа“, изјави по дуелот со Босна, Мбапе.
Француските медиуми пишуваат дека и ПСЖ губи трпение, преговорите за новата соработка траат со месеци, па токму затоа размислуваат да го продадат ова лето.
Првичната цена за него беше 180 милиони евра, но спред најновите информации истата падна. Оние кои ќе сакаат да го донесат во своите редови ќе мора да платат измеѓу 120 и 150 милиони евра. За него заинтересирани се Реал Мадрид, но и тимови како Сити и Ливерпул.
sportmedia.mk