Веќе со денови се зборува дека ПСЖ ќе тргне по Лионел Меси, чиј договор со Барселона му истекува ова лето. Но, францускиот првак има нов план. Покрај еден од најдобрите фудбалери во светот, ќе се обиде да земе уште двајца играчи од редовите на каталонскиот гигант.
Станува збор за Жорди Алба и Емерсон. Спортскиот директор на ПСЖ, Леонардо добро знае каков тандем се Алба и Меси. На листата на „светците“ може да се најде и Серхи Роберто, кој пак има договор до 2022 година.
Од таборот на Барселона ваквиот потег на ПСЖ и постојаните информации за Меси се провокација пред пресметката во Лигата на шампионите. На овој начин сакаат да ги раздрмаат редовите на каталонскиот гигант за да можат лесно да ги добијат во двомечот кој следува.
Сепак од Барселона немаат намера да застанат, напротив се подготвуваат за да го вратат ударот и тоа на терен. Првиот дуел со ПСЖ се игра на 16. овој месец, додека пак реваншот е закажан за 1о. март.
sportmedia.mk