Напаѓачот на ПСЖ, Моис Кин, се зарази со коронавирус и ризикува да го пропушти мечот со Барселона од Лигата на шампионите.
Италијанскиот фудбалер беше тестиран денеска, а резултатот од тестот бил позитивен. Кин веднаш е ставен во карантин во Париз. Така, напаѓачот може да го пропушти реваншот од 1/8-финалето во Лигата на шампионите со Барселона, кое е закажано на 10 март.
Кин игра за ПСЖ на позајмица, а правата на играчот се во сопственост на Евертон. Тој оваа сезона настапи на 18 натпревари во француската Лига 1 и има постигнато 11 погодоци.
sportmedia.mk