Според информациите, фудбалер на ПСЖ бил ограбен синоќа на познато место за проститутки во Париз.
Иако името не се открива, се наведува дека бил запрен на семафор во јавниот парк во Булоњската шума, лоциран во западниот дел на Париз. Весникот „Паризиен“ наведува дека проститутката влегла во автомобилот и му ги зела паричникот и телефонот, кои биле во касетата додека стоел автомобилот, пренесува Мирор.
На играчот на ПСЖ му било кажано да вози до одредена локација за да си го земе телефонот, што и го направил, а во врска со инцидентот околу 20 часот била повикана полиција. Засега е познато дека фудбалерот останал без телефон и паричник.
Уште во 2016 година, парискиот полициски оддел за „Вајс Франс“ соопшти дека бројот на проститутки кои работат во областа Булоњска шума „значително се зголемил“.
Во други неповрзани настани, неколку играчи на ПСЖ беа на мета, а Анхел ди Марија и Маркос Ароас Кореа беа мета за време на серијата „насилни грабежи“ во март.
Соопштено беше дека семејствата на двајцата играчи биле држени како заложници од провалниците за време на рациите. Од сеф во куќата на Ди Марија се украдени часовници и накит за кои се проценува дека вредат повеќе од 500.000 евра, се тврди.
