Иако Финска во овие квалификации за Европското првенство нема победа, сепак предводникот на оваа репрезентација, Ола Линдгрен на ден пред мечот со Македонија (се игра денеска, 17 часот) доби нов договор.
Челниците на тамошната федерација се задоволни од неговата работа, па ја продолжија соработката на уште две години. Тој на клупата на Финска седна во 2019 година.
До крајот на овие квалификации Линдгрен има тешка задача, денеска ќе ги одмери силите со Македонија, која влегува како голем фаворит, а потоа со Данска.
Со оглед на распоредот на силите, предводникот на финската репрезентација, истакна дека во овој момент треба да продолжат на подигање на квалитетот на играта, свесен е дека на овие два меча победите се невозможна мисија.
sportmedia.mk