Барселона имаше се во свои раце, шест победи во исто толку меча до крајот на првенството за каталонскиот гигант беа доволни за нова титулата во Ла Лига. Но избраниците на Роналд Куман киксираа уште на првиот меч во таа низа, беа совладани од Гранада со 1-2 и натаму е на третото место на табелата со 71 бод, колку и второпласираниот Реал Мадрид. Лидер е Атлетико Мадрид со два бода повеќе.
Куман во 66. минута беше исклучен, три минути подоцна откако беше поништен голот на Лионел Меси за водство. Не беше јасно зошто стратегот на Барса беше исклучен, но шпанските медиуми подоцна имаа шанса да видат во записникот, а причината е приговор кон судијата. И покрај сите предупредувања, тој продолжил да бунтува.
Моментот можете да го видите на овој ЛИНК.
Поради овој потег, Куман нема да биде на клупата на следниот меч, неговите момци играат против Валенсија.
sportmedia.mk
