logo
logo
logo

Постигнат е конечен договор за трансфер на Мемфис Депај и тоа за „смешна сума“

Vecer | 13.08.2022

Постигнат е конечен договор за трансфер на Мемфис Депај и тоа за „смешна сума“

Барселона е принудена да се ослободи од неколку играчи до крајот на преодниот рок, а клубот дефинитивно останува без Мемфис Депај.

Многу се шпекулираше за Депај, на крајот е постигнат договор со Јувентус, па тој кариерата ќе ја продолжи во Италија каде со „Старата дама“ ќе се обиде да го освои Скудетото. .

Во Барселона Депај имаше плата од пет милиони евра, а добро информираниот новинар Матео Морето тврди дека Јуве ќе му даде седум милиони. Ова е трансфер кој на Барса нема да и донесе ништо, туку ќе го растерети буџетот за плати.

Депај ќе потпише двегодишен договор, додека Јуве ќе „плати симболична бројка“ како обештетување.

Пред Барселона, Депај играше во Лион, Манчестер Јунајтед и ПСВ. Има дури 80 настапи во националниот дрес, а има постигнато 42 гола.

Со оглед на бројните пристигнувања во Барселона ова лето, и самиот беше свесен дека нема да ја добие вистинската можност и веројатно преселбата во Јувентус во овој момент е најдобриот потег што можеше да го направи.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk