Ракометарите на Португалија испишаа историја откако вечера во квалификациите ја совладаа Франција со 29-28 и за првпат во историјата ќе играат на Олимписките игри.

Пласманот на оваа земја во Токио значеше крај на надежите за Хрватска, а одлучувачкиот гол го постигна Руи Силва во последните секунди.

По завршување на мечот, ракометарот на Португалија и Порто постираше емотивна објава посветена на Алфредо Кинтана, голманот кој почина на 33. години.

„Трчаше со мене, шутираше со мене и со мене го постигна тој гол. Сега одиме во Токио, заедно ќе продолжиме да пишуваме историја. Ова денеска засекогаш ќе биде за тебе“, стои во објавата заедно со фотографија. Силва на својата рака го истетовира ликот на Кинтана.

sportmedia.mk