Фудбалскиот сојуз на Португалија не може да се помири со исходот од натпреварот против Србија во Белград, па затоа одлучи да ја продолжи борбата за правда на институционално ниво.
Ден по контроверзниот крај на натпреварот на „Маракана“ и непризнатиот гол на Кристијано Роналдо, тие директно се обратија до Европската куќа на фудбалот. Португалија денеска испратила протестна нота до седиштето на УЕФА во Нион, против холандскиот судија Дани Макели и неговите помошници, кои не видоа дека топката ја минува гол-линијата. Според информацијата, Португалија бара остри казни за судиите, како и итно воведување на ВАР системот и технологијата на голови во продолжението на квалификациите.
sportmedia.mk