Новиот шампион, тимот на Шкендија денеска во меч од 31.коло како домаќин во Гостивар ќе ја дочека Струга Трим Лум. Меч кој е од големо значење на гостите, кои со триумф и натаму остануваат во битката за Европа, додека Шкендија не крие дека посакува и девета победа во серија.
Секако дека се очекува да биде супер интересно, и двете екипи се во одлична форма, ќе се игра на победа, на гол повеќе.
Информациите од Шкендија велат дека поради замор за денешниот меч е ослободен од обврските капитенот и репрезентативецот Егзон Бејтулаи, тој сигурно нема да настапи. Во тимот се враќаат Незири и Дориев, а се очекува стратегот Ернест Ѓока да им даде шанса на некои играчи кои досега имаа помала минутажа, барем на стартот од мечот. Нешто слично како што беше на последниот меч со Работнички кој тетовци го добија со 5:3.
sportmedia.mk