Почина Хајруш Синани, тренерот кој го создаде легендарниот Шабан Трстена

Хајруш Синани, легендарниот тренер по борење, и еден од создавачите на легендарниот Шабан Трстена, почина утрово по тешко боледување.

Од него се прости и Шабан Трстена на социјалните мрежи.

„Со голема тага ја прочитав пораката добиена утрово дека почина Хајруш Синани. Вчера бев во негова посета. Горд сум што го познавав и што го имав за тренер. 20 години бевме заедно во овој спорт во многу тешки моменти, но никогаш не се откажавме од желбата со златни букви да ја испишеме историјата на овој спорт“, напиша Трстена.