Ѕвездата на Денвер, Џамал Мареј ги скина предните вкрстени лигаменти на коленото на дуелот со Голден Стејт и за него сезоната е официјално завршена. Тој заедно со Никола Јокиќ е најважниот и најдобриот кошаркар на Нагетс, што за тимот веројатно е најголемиот пех кој можеше да им се случи во моментите кога искрено се надеваа дека ќе можат да го нападнат шампионскиот трон.
Последните вести од САД велат дека ниту еден кошаркар во НБА не се врати на терените за помалку од 11 месеци по една ваква повреда. Тоа би значело дека Мареј, доколку НБА се врати во вообичаениот распоред, ќе пропушти од следната сезона околу пет и пол месеци.
Канаѓанецот блескаше во плеј-офот минатата сезона, кога Нагетс се пласираше во финалето на Западот, а многумина дури ги рангираа меѓу фаворитите за титулата оваа сезона.
sportmedia.mk
