Националните тимови кои ќе учествуваат на Европското првенство во фудбал ова лето ќе имаат право да регистрираат по 26 фудбалери од проширените состави, наместо досегашните 23, пишува британскиот весник „Тајмс“. УЕФА наскоро ќе донесе одлука по ова прашање кое се наметна поради големото оптоварување на фудбалерите и згуснатиот распоред на натпревари оваа сезона поради пандемијата со коронавирусот. Се очекува ова да биде потврдено најдоцна до почетокот на идната недела.
ЕУРО 2021 година на кое за првпат ќе учествува и Македонија ќе се одржи од 11 јуни до 11 јули во 11 градови – Санкт Петербург, Амстердам, Баку, Будимпешта, Букурешт, Глазгов, Копенхаген, Лондон, Рим, Минхен и Севиља.
sportmedia.mk