Диме Тасовски одлучи да стави крај на својата богата кариера. Некогашниот македонски репрезентативец ги закачи патиките, во пензија заминува како играч на Гостивар.
Тасовски зад себе има 23-годишна кошаркарска приказна која почна да ја пишува како играч на Жито Вардар во 1998 година.
40 годишниот кошаркар настапуваше за екипите на Вардар, Работнички, Фени Индустри, Карпош Соколи, Лирија, Струмица и Гостивар од домашните екипи. Тасовски играше и во странство, ги носеше дресовите на Трепча и Политехника.
Во македонското првенство освои пет титули, еден Куп пехар и еднаш беше победник во Супер Купот. Тасовски во својата колекција има и две МВП признанија.
Настапуваше во дресот на македонската репрезентација, беше во служба на својата земја и во периодот кога Македонија се бореше да излезе од дното.
sportmedia.mk
