Денеска од 13 часот во Кратово, екипата на Силекс на отворањето на 29.коло ја дочекува Академија Пандев. Тоа се двете екипи кои на 19 мај ќе играат во финалето во Купот на Македонија, но дотогаш и двете екипи мора прво да мислат на првенството, каде и двете екипи, а посебно Силекс, се во незавидна положба. Имено кратовци во пресрет на последните пет кола имаат 29 бодови, еден повеќе од претпоследниот Вардар, и ако не сакаат уште повеќе својата ситуација да ја влошат денеска ќе мораат, ама баш ќе мораат да победат. Во спротивно лошо ќе биде за четата на стратегот Горан Симов.
Јасно е дека и на струмичани им “гори“, но сепак тие имаат 34 бодови, па така нивен приоритет е да го избегнат баражот за опстанок во Лигата.
Стратегот на гостите Александар Васоски не ќе може да смета на Никола Серафимов и тоа поради картони, еден од клучните играчи во дефанзивата, ќе го нема и Димов кој одамна е повреден, па така обраната на “Пандевци“ ќе мода се “крпи“ што се вели.
Кога сме кај традицијата овие две екипи досега одиграле 14 натшревари. На седум победил Силекс, шест триумфи има А. Пандев а само еднаш било нерешено.Сепак треба да се каже дека на последните три меча струмичани имаат дури три победи.
sportmedia.mk
