Утре во 2.коло од квалификациите за ЕП ќе се соочат Црна Гора и Србија. Мечот се игра во Подгорица. Селекторот на Србија, Драган Стојковиќ – Пикси прво зборуваше за односот со претседателот на ФС на Црна Гора, Дејан Савичевиќ, а потоа се сврти и на мечот.
На мечот меѓу Бугарија и Црна Гора вниманието му го привлекло презимето Савичевиќ на теренот.
„Кога видов дека игра Савичевиќ, се исплашив, помислив дека Дејо се вратил. Тогаш сфатив дека тоа е младиот играч Вукан“, се пошегува Пикси.
„Го гледав нивниот меч со Бугарија. Нема тајни меѓу нас. Знам со што располага ривалот, знам дека ќе го нема повредениот Марко Јанковиќ кој е одличен играч. Црна Гора е добра и млада екипа која не смее да се потцени“, додаде српскиот селектор.
