Македонската репрезентативка, Сара Ристовска и покрај фантастичното издание не успеа да му помогне на својот тим да дојде до победа на првата четвртфинална пресметка во Лигата на шампиони. ЦСКА Москва беше поразена на гостувањето кај ЧСМ Букурешт со 32-27.
Ова беше дуел кој беше решен уште по првото полувреме, гостинскиот состав имаше негатива од 20-12, во продолжение беше тешко да се стигне. Руската екипа во ниту еден момент не поведе на средбата, само во воведните минути беше изедначено, ЧСМ Букурешт го наметна својот ритам, кој беше недостижен за противникот.
Ристовска зад своето име запиша пет погодоци од седум обиди, но беше премалку за да се урне силниот состав на домашниот тим, каде Неагу имаше шест гола, еден помалку запишаа Цвијиќ и Дембеле.
sportmedia.mk