Рано попладнево од 13 часот во Кратово, домашниот Силекс го дочекува Вардар. Ова некогаш беше големо дерби, дерби кое решаваше за титулата, а сега решава за опстанокот. Веројатно поразениот од денешниот меч со една нога ќе биде во Втората лига.
За СПОРТМЕДИА, во пресрет на денешниот меч, свој коментар има голгетерот на кратовци Пепи Горгиев.
“После пласманот во финалето во Купот, сега сите наши мисли се кон натпреварот со Вардар. За нас ова е најважниот меч сезонава, тука нема дилеми. Знаеме што треба да направиме, знаеме дека тие три бода секако дека ни се неопходни во битката за опстанок. Свесни сме дека само со максимално сериозен пристап на натпреварот можеме да го победиме денешниот ривал“ посочи Горгиев.
sportmedia.mk
