Пелистер ја оправда улогата на фаворит против Ангели максимално. Кошаркарите на битолскиот тим како едвај да чекаа да заврши паузата, на гостувањето кај дебитантот славеа со убедливи 88-142 за девета победа во низа.
Избраниците на Марјан Илиевски мечот го решија по првото полувреме, поведоа со 44-69 , до крај рутински го приведоа мечот. Битолчани во сите четири периоди постигнаа над 30 поени, а додека шест играчи завршија со двоцифрен број на поени.
Лидер беше Малешевиќ со 33 поени и 9 скока, зад него беше Кесар со дабл-дабл од 25 поени и 10 скока. Кај домашниот тим, Васар имаше 30 поени, додека Делоски 29.
Еуро Никел дојде до четвртата победа оваа сезона, на гостувањето кај МЗТ Скопје 2 славеше со 66-81. Домаќинот се носеше добро во првата четвртина (15-19), по што гостите чекор напред кон победата направија во вториот период, го добија со 12-27 и обезбедија позитива од 27-46.
Соколов и Џекиќ со по 16 поени беа први стрелци, кај МЗТ Скопје, Рансон имаше 20 поени.
